Home	ແນະນຳໂຄງການ	EMS	ສະມາຊິກ	ຕິດຕໍ່ສອບຖາມ
ເພຈນີ້ ແມ່ນ ສ້າງຂຶ້ນທີ່ ພາກສະໜາມຂອງໂຄງການ.
ເວັບໄຊ້ທາງການແມ່ນຄລິກໃສ່ບ່ອນນີ້

---

---

　EMS (Emergency Medical Services) ແມ່ນ ການບໍລິການ ນັບຕັ້ງແຕ່ການສົ່ງຄຳຂໍສຸກເສີນ ຈົນໄປເຖິງການປິ່ນປົວສຸກເສີນ. ເຊິ່ງຈຳນວນຊີວິດທີ່ສາມາດຊ່ວຍເຫຼືອໄດ້ນັ້ນ ຈະປ່ຽນໄປ ໂດຍຂຶ້ນກັບວ່າ ການຈັດຕັ້ງປະຕິບັດສິ່ງເຫຼົ່ານີ້ ມີປະສິດຕິພາບສ່ຳໃດ.
　ໂຄງການດັ່ງກ່າວນີ້ ແມ່ນຈະສຸມໃສ່ວຽກງານການຍົກສູງປະສິດຕິພາບໃນການບໍລິການຂອງວຽກງານເຫຼົ່ານີ້.
　ໂດຍສະເພາະ ແມ່ນການສ້າງຕັ້ງສູນຮັບແຈ້ງເຫດ-ສັ່ງການ (CCC) ແລະ ຈັດການຝຶກອົບຮົມ, ສຳມະນາ ໃຫ້ກັບທຸກພາກສ່ວນທີ່ມີຄວາມກ່ຽວຂ້ອງ ກັບວຽກງານ EMS.

ດວງດາວແຫ່ງຊີວິດ
１．	ການພົບເຫດ	ເລີ່ມຈາກ ການພົບເຫັນຜູ້ປ່ວຍ, ຄົນເຈັບ ຫລື ອຸບັດຕິເຫດ. ໃນບາງກໍລະນີ ກໍອາດຈະເປັນຜູ້ບາດເຈັບເອງ.
２．	ການແຈ້ງເຫດ	ເອີ້ນລົດໂຮງໝໍ ນຳສູນຮັບແຈ້ງເຫດ-ສັ່ງການ. ທີ່ນະຄອນຫຼວງວຽງຈັນ ໃນອະນາຄົດ ແມ່ນ ມີແຜນຈະນຳໃຊ້ ນ້ຳເບີໂທລະສັບ 1195
３．	ການອອກຮັບເຫດຂອງລົດໂຮງໝໍ	ລົດໂຮງໝໍຈະອອກໄປຮັບເຫດ ຕາມຄຳຮ້ອງຂໍຂອງສູນຮັບແຈ້ງເຫດ-ສັ່ງການ
４．	ການດູແລຄົນເຈັບຢູ່ສະຖານທີ່ເກີດເຫດ	ທີມງານກູ້ໄພທີ່ໄປຮອດຈຸດເກີດເຫດ ຈະກວດກາສະຖານະການ ແລະ ໃຫ້ການປະຖົມພະຍາບານ.
５．	ການດູແລຄົນເຈັບໃນຂະນະທີ່ກຳລັງນຳສົ່ງ	ທີມງານກູ້ໄພທີ່ກຳລັງນຳສົ່ງຄົນເຈັບໄປຍັງໂຮງໝໍ ຈະກວດກາອາການ ແລະ ໃຫ້ການປະຖົມພະຍາບານ.
６．	ການເຊີດຊູຊີບຢູ່ໂຮງໝໍ	ສົ່ງຄົນເຈັບຮອດໂຮງຫມໍ, ທ່ານໝໍທີ່ປະຈຳຢູ່ໂຮງຫມໍຈະເລີ່ມການເຊີດຊູຊີບ

---

---

ＣＣＣ(Command & Control Center)ＣＣＣ 　ຈະໄດ້ຮັບການສ້າງຕັ້ງຂຶ້ນທີ່ ໂຮງໝໍມິດຕະພາບ. 　ໃນ ＣＣＣ ຈະປະກອບມີ ສູນຮັບແຈ້ງເຫດ-ສັ່ງການ ແລະ ຫ້ອງໃຫ້ຄຳປຶກສາ, ນອກຈາກນັ້ນແລ້ວຍັງມີຫ້ອງປະຊຸມທີ່ສາມາດໃຊ້ໃນການຈັດງານສຳມະນາ ຫລື ການປະຊຸມ ຂະໜາດນ້ອຍໄດ້.

---

---

ວິດີໂອນີ້ ເປັນວິດີໂອຈຳລອງການປະຕິບັດວຽກງານໃນສູນຮັບແຈ້ງເຫດ-ສັ່ງການ, ເຊິ່ງການປະຕິບັດວຽກງານຕົວຈິງ ທີ່ ສປປ ລາວ ອາດຈະບໍ່ເປັນແບບນີ້ທຸກປະການ. 　ສູນຮັບແຈ້ງເຫດ-ສັ່ງການ ຮັບຜິດຊອບຫຼັກໃນການສັ່ງລົດໂຮງໝໍໃຫ້ອອກຮັບເຫດ ເຊິ່ງເປັນໜຶ່ງໃນກິດຈະກຳຂອງ EMS. 　ນອກຈາກນັ້ນແລ້ວ ຍັງມີໜ້າທີ່ໃນການຈັດລະບຽບການບັນທຶກ DATA, ມີສ່ວນຮ່ວມໃນການປະສານງານ ຫລື ຮວບຮວມຂໍ້ມູນຈາກບັນດາອົງກອນ, ການຈັດຕັ້ງ ທີ່ມີສ່ວນຮ່ວມໃນວຽກງານ EMS.。 　ເຊິ່ງຄິດວ່າ ວຽກງານເຫຼົ່ານີ້ຈະເປັນວຽກງານທີ່ຂ້ອນຂ້າງສຳຄັນສຳລັບວຽກງານ EMS.

---

---

ໜ່ວຍກູ້ໄພທີ່ເຄື່ອນໄຫວໃນ ສປປ ລາວ, ສ່ວນໃຫຍ່ ແມ່ນ ປະຊາຊົນທົ່ວໄປທີ່ບໍ່ມີໃບຢັ້ງຢືນວຸດທິຜູ້ຊ່ຽວຊານ. ເນື່ອງຈາກວ່າບໍ່ມີການຈັດຕັ້ງການຝຶກອົບຮົມທີ່ເປັນມາດຕະຖານຂອງການກູ້ຊີບກູ້ໄພ ພາຍໃນອົງກອນ, ຈຶ່ງມີຄວາມແຕກຕ່າງກັນຫຼາຍໃນຄວາມສາມາດຂອງສະມາຊິກກູ້ໄພແຕ່ລະຄົນ, ຄຸນະພາບ ແລະ ຮູບແບບການປະຖົມພະຍາບານເບື້ອງຕົ້ນ ຢູ່ສະຖານທີ່ເກີດເຫດ ຫລື ໃນຂະນະທີ່ກຳລັງນຳສົ່ງໂຮງໝໍ ນັ້ນ ກໍມີຄວາມແຕກຕ່າງກັນຫຼາຍ ໂດຍຂຶ້ນກັບວ່າ ໜ່ວຍກູ້ໄພໜ່ວຍໃດທີ່ຖືກສົ່ງອອກໄປຮັບເຫດ. 　ໃນໂຄງການນີ້ ພວກເຮົາມຸ້ງຫມັ້ນທີ່ຈະຫລຸດຜ່ອນຄວາມກະຈັດກະຈາຍຂອງການບໍລິການຂອງໜ່ວຍກູ້ໄພ ແລະ ຍົກສູງຄຸນນະພາບຂອງການບໍລິການ ດ້ວຍການສ້າງມາດຕະຖານການສຶກສາ ແລະ ພັດທະນາຫລັກສູດການສຶກສາ ເພື່ອສ້າງໜ່ວຍກູ້ໄພທີ່ມີຄຸນນະພາບສູງແບບຢືນຍົງ. 　ນອກຈາກນັ້ນແລ້ວ ຈຳນວນທ່ານໝໍ-ພະຍາບານຜູ້ທີ່ມີທັກສະໃນການປິ່ນປົວຜູ້ບາດເຈັບທີ່ມີອາການສາຫັດນັ້ນ ກໍຍັງມີຈຳນວນບໍ່ຫຼາຍ, ແລະ ທັງຍັງມີຂໍ້ຈັດກັດທາງດ້ານຄວາມຮູ້ວິຊາການທາງການແພດສຸກເສີນ ແລະ ການພະຍາບານສຸກເສີນນຳ. ໃນ ສປປ ລາວ, ໄດ້ມີການກຳເນີດແພດສຸກເສີນຄັ້ງທຳອິດໃນປີ 2020, ແຕ່ຈຳນວນທີ່ມີຢູ່ນັ້ນ ກໍຖືວ່າຍັງບໍ່ທັນພຽງພໍ. ຄັ້ງນີ້, ພວກເຮົາຈະພັດທະນາຊັບພະຍາກອນມະນຸດໂດຍຜ່ານການຮ່ວມມືສາມຝ່າຍ (ຍີ່ປຸ່ນ-ລາວ-ໄທ), ໂດຍມີຄວາມມຸ້ງໝັ້ນທີ່ຈະພັດທະນາທັກສະຂອງໝໍ-ພະຍາບານລາວ ໃນດ້ານການພະຍາບານສຸກເສີນ ໄປພ້ອມໆກັບການຮ່ວມມືກັບມະຫາວິທະຍາໄລຂອນແກ່ນ ເຊິ່ງເປັນມະຫາວິທະຍາໄລພັນທະມິດຂອງມະຫາວິທະຍາໄລຊຸກຸບະ.